الحكم بثلاثين سنة بسبب المخدرات سيكون عبرة للمستهلكين..فتحي الجموسي

أنا فرحان برشة بالثلاثين عام سجن إلي حكم بيهم القاضي على مستهلكي المخدرات، فرحان موش شماتة لأنها موش من عادتي و لأني متأكد ان الحكم باش يتعدل في الإستئناف والعقوبة باش يقع الحط منها للحد العادي، أنا فرحان بالحكم لأنو ربما يكون عبرة وشبابنا يخاف شوية من آفة استهلاك المخدرات، الآفة إلي إنتشرت في كل مقهى وكل معهد و حتى في المدارس الابتدائية.وهذا الكل بفضل الحقوقيين المناضلين من أجل تخريب المجتمع.حبينا والا كرهنا الردع والسجن كان سادد علينا باب بلاء ونسبة متعاطي المخدرات كانت أقل برشة من اليوم بعد صدور قانون الاسعاف بتأجيل التنفيذ.صحيح فمة شباب تحطم مستقبلو من أجل سڨارو زطلة لكن إلي يبدى بالزطلة يكملها بالكوكايين اذا كان غني وبالطوابع كانو فقير و اليوم بعد قانون الحقوقيين نجموا نقيموا صلاة الجنازة على شبابنا الكل.أنا ضد إستهلاك الزطلة حب من حب كره من كره وأخير التضحية بواحد في الألف من شبابنا خير ما نضحيوا بيهم الكل.