الطاقة الشمسية ما نجحتش وما تنجحش في تونس لأسباب عديدة

الطاقة الشمسية ما نجحتش وما تنجحش في تونس لأسباب عديدة

1. الدولة تجبرك باش تربط شبكتك الخاصة متاع الطاقة الشمسية بشبكة الستاغ!!.. باش فائض الإنتاج الي عندك يمشي للستاغ
2. الستاغ تاخو من عندك الضو.. ماتعرفش بقداش تحسب.. وتقلك نرجعلك ضو في المقابل وقت ينقص انتاجك للطاقة و تتخص!.. و تفكترلك بالطبيعة كيف ماتحب
3. الربطان مع الستاغ لا مفر منو.. بما انو ممنوع في تونس تخزن الطاقة الي تنتجها في بطاريات.. باش تستعمل الفائض وقت الي تحتاجو
4. بما انك مربوط مع شبكة الستاغ.. فلازم تعرف انو كيف يقص الضو في حومتك.. بالطبيعة يقص عليك انت زادة الي مركب الطاقة الشمسية.. ولو تكون في عز القايلة!!
5. بالطبيعة ممنوع تجيب الواح طاقة شمسية من البرة.. لأنها تتكلف ارخص من الموجودة في تونس.. و احسن جودة
6. ممنوع زادة تفكر باش تعمل مشروع إنتاج طاقة شمسية و تبيع.. نحكيوا هنا باش تبيع الطاقة و الا حتى باش تبيع الالواح الشمسية.. و حتى المصنع الوحيد في البلاد الي ”يصنع” فيهم.. هو في الحقيقة الخلية الرئيسية لانتاج الطاقة يجيب فيها من البرة.. والباقي تركيب والاندماج مايفوتش 20%

بلاد تحت حكم عصابة اتحاد الخراب التابعة steg