اللي فيه طبَّا ما تتخبَّا….
6 سبتمبر 2023، 20:45
النشرة الجوية في تلفزتنا الوطنية الأولى راضعة كلمة ” الريح مذكر ” في الحليب .
قد ما نبهنا وقلنا يا ولادي بل يا بناتي راهو كلمة الريح اللي تستعملوها في نشرتكم الجوية ( مؤنث) كي الطفلة وكي المرا يعني كيفكم يا مقدمات النشرات الجوية .
عيشكم صيرو قولو ( تكون الريح موش يكون الريح )
ريحونا يرحم والديكم وريحو أعصابنا ومنّعو تلامذتنا من تقليدكم ، كل ليلة وذني اطرشق كي تسمع اللي الريح ذكر آخر مرة سمعتها مساء الثلاثاء 5 سبتمبر 2023 وربي يهديكم توة صعيب عليكم باش تلبسّو الريح روبة ولاّ سيميجات وسروال كي ما تلبسو انتوما .
اوكا كتبتلكم ها الكليمات بالفلاقي مش بالعربي الفصيح باش انسهّل عليكم الفهم .
التركي
مواضيع ذات صلة
