اليوم ذكرى الإنزال الفرنسي بمدينة صفاقس

صفاقس احتلوها… الله اكبر 16 جويلية 1881 صار الانزال في صفاقس و تم تفجير ابواب المدينة و الدخول ليها, بدات حرب الشوارع بين الفرنسيس و المقاومين, المئات يموتو كل نهار, فما اللي ماتوا محروقين في جامع سيدي بوشويشة و فما اللي ماتوا على شراف السور بجنب المدافع …. وقت هدات البلاد الجامع الكبير تم تدنيسو: الصحن متاعو ولا مربط للخيل و بيت الصلاة ولات البلاصة اللي يرقدو فيها الجنود الفرنسيس. تم فرض الاحكام العرفية في المدينة و استقبل القايد حسونة الجلولي مع القادة الفرنسيس لصفاقس على البابور ‘الما” وفد من اعيان صفاقس باش يناقشو شروط عودة الاهالي للمدينة و طلب الامان نهار 20 جويلية.

زاهر كمون