بلاغ وزارة الصحة إلى الحجيج سلامتكم مسؤوليتنا الكلّ

✅ باش تعيشوا مناسك الحج في أمان وطمأنينة، وزارة الصحّة تحب تذكّركم ببعض النصائح الصحّية المهمّة:

1. التلاقيح ضروريّة قبل السفر:
   ما تنساش دفتر التلاقيح معاك، راهو يّتطلب في المطار.
2. النظافة خطّ الدفاع الأول:
   غسل اليدين بانتظام، الكمامة وقت الزحمة، والمعقّم ديما في الجيب.
3. شرب الماء حاجة أساسية:
   الحرّ شديد، لازم الجسم يبقى مرطّب. اشرب ديما، استعمل مظلّة، وخذ فترات راحة من وقت لآخر.
4. دواءك معاك نهار السفر وما تنساش كميّة كافية:
   إذا عندك أمراض مزمنة، حضّر أدويتك الأساسية وخذ ما يكفيك طول الرحلة، ومن الأفضل تحط جزء منهم في حقيبة اليد معاك في الطيارة.
   وزيد معاهم شوية حاجات لازمة: كمامات، دوا مسكّن، دوا ضدّ الإسهال.
5. حسّيت بتعب؟ ما تتردّدش:
   الفريق الصحّي التونسي موجود معاكم، يداوي، يوجّه، ويعاونكم مجاناً.
   حجّ مبرور وسعي مشكور، وربّي يرجّعكم لبلادكم سالمين غانمين.
   وزارة الصحّة التونسيّة في خدمتكم… ديما.