تلميذ بكالوريا اختار الطب بعد نيله معدل 20/18 فوجهوه لشعبة علوم الآثار

تفاجأ التلميذ محمد عبيدي اصيل ولاية الكاف ، بتوجيهه لشعبة علوم الآثار بالقيروان والحين انه اختار شعبة الطب ووضع كامل الخيارات لكلية الطب فقط في مختلف الولايات باعتبار انه نجح هذا العام في اختبار البكالوريا بامتياز وتحصل على معدل 18 على 20 شعبة علوم تجريبية .
هذا وطالب التلميذ محمد عبيدي كل من وزير التعليم العالي ورئيس الجمهورية ورئيسة الحكومة بالتدخل العاجل لانصافه والالتحاق بكلية الطب.
وهذا ما جاء في تدوينته :
” اناا اسمي محمد نجحت في الباك بمعدل 18 شعبة علوم تجريبية والي جا بعد تعب كبير لكن مش مشكل مدام باش نحقق حلمي و ندخل لكلية الطب كيف ما حلمت وبالفعل سجلت في التوجيه الجامعي و كانت جميع اختياراتي طب المنستير سوسة تونس صفاقس صيدلة … ونستنى في نتيجة التوجيه بالدقيقة والدرج لين تبين وانو تم توجيهي تراث بالقيروان
اي نعم تراث اللي انا ما طلبتهاش و ما حطيتهاش في التوجيه الجامعي قلت ممكن غلطة وقمت بالاتصالا بالوزارة الي اكدت انو السيستام ميغلطش !!!
اي انا شنوة ذنبي وشنوة الحل الوزارة تقول الحل الوحيد في إعادة التوجيه وتختار الي قعد.
انا مستقبلي و تعبي مشا خسارةوفهمت الي هكا نكرموا المتفوقين .
انا نطلب و بكل لطف تدخل كل من السيد وزير التعليم -رئاسة الجمهورية-رئاسة الحكومة – لفتح بحث في .الغرض و انصافي بالدخول الى جامعة الطب”
من جهته تبنى الدكتور حاتم الغزال هذه المظلمة التي تعرض لها التلميذ محمد عبيدي وهذا مادونه على صفحته الخاصة:
“عندنا تلميذ متحصل على المنحة هذه السنة يعتبر مثال يحتذى به في العزيمة و التفوّق. ناجح بمعدّل18بكلوريا علوم رغم انّه يتيم و يعيش ظروف إجتماعية صعبة جدا
اختار يعمل طب و عنده سكور195 يمكنه من الحصول على اي كلية يختارها. ما راعنا يوم أمس إلا انهم يوجهوه علوم آثار في القيروان.
مشى للوزارة للتظلّم قالولو الله غالب علينا و عليك ثمه شكون تلاعب بالمنظومة و ما عندنا ما نعملولك
الطفل هذا كان الأولى انه يتحصّل على وسام العزيمة و المثابرة و يكون قدوة للشباب في تونس و شمعة أمل للي عايشين في وضع اجتماعي هش انهم بالعمل و الإجتهاد ممكن يغيرو مستقبلهم لكن للأسف المسؤول الغير مسؤول غير معني بالموضوع و ما يحبّش برشى تكسير راس في عطلته الصيفية
أنا باش ناقف معاه للأخر و باش نتواصل مع كل شخص عنده نخوه و حب لهذه البلاد المنكوبة بلا مبالاة و عبث إدارتها من أجل تمكين هذا الشاب من حقه في دراسة الطب و كان لزم نعملو محامي و يرفع قضية في المحكمة الإدارية