حسب تقديري المتواضع …زايد راهو…عبد الكريم قطاطة

تونس تعيش مرحلة مفصلية في حياتها … التركة ثقيلة جدا والوضعية مدردرة واش يصفيها والتيارات السياسية احسن توصيفة تصحّ عليها _ خوذ فيّ ناخذ فيك _ صحيح انّو كلّ القطاعات تعيش مشاكل لا تُحصى ولا تُعدّ ..وصحيح انّو الاصلاح يتطلّب معالجة جذرية لها جميعا ..لكن وفي تقديري المتواضع وبشكل مواز وجب فوريا اصلاح منظومتي التعليم والاعلام ..نعم في ايّ بلاد تكون فيه هاتان المنظومتان خاربتين لا امل لا في حاضرها ولا في مستقبلها …هذان القطاعان هما الاساس لكلّ عملية اصلاح حقيقي في ايّ مجتمع …وهما للاسف في تونس يعانيان شكلا ومضمونا من الجودة والحرفية والصدق للوطن دون سواه .. الّا من رحم ربّي … مع تقديري واكباري لمجهودات القليل من هذين القطاعين .ولكفاءتهم وصدقهم واخلاصهم .. لكن للاسف يمشيو في العفص ..