خرافات عمي الباشير الرمضانيّة : بالضبط كيف وعودكم الانتخابيّة

نهاركم زين وسعادة وبالخير مليان كالعادة يا سادة يا مادة …ربي يبعدكم على الكذب وخاصة كذب السياسيين واسمعوا هالخرافة القصيرة

نهار من النهارات ثمة راجل يمشي في الصحراء لا طائر يطير لا ساير يسير ولقى راجل عرقوا شرتلّة ومغبر وحالتو حلية يحفر في الصحراء سالوا يا بن عمي لاباس ماهو ؟ شبيك تحفر في الصحراء؟ قالوا والله صارتلي غريبة دفنت برشة فلوس وتو ما لقيتهمش ؟ قالوا وانت ما عملتش علامة ادلك عليه ؟ قالوا عملت “غيمةٌ في السماء كانت تظلّها، ولست أرى العلامة الآن”. وتو ما لقيت شيء

عرفتوا الغيمة والسحابة شنيّة هب الوعود الانتخابية متاع السياسيين متاعنا يخليوكم تحفروا في الصحراء وما تصوروا شيء