خرافات عمي الباشير الرمضانيّة : رجعوني لزريبة الحيوانات افضل وارحم
يا سادة ويا مادة يدلني ويدلكم للشهادة ويجعلك ايامك كلها خير وعبادة نحكيو اليوم حكاية الملك الشاعر
يحكيو وفي زمن موش بعيد ولا غريب ثمة ملك يستعمل في جاهو ويحب يولّي شاعر غصبا عالناس الكل …اي حسب روحو سيد العرافين وهو بينو وبين القبر خطوتين والاعمار بيد الله نهار لمّد بيه جماعة من جماعة سيدي نعم نعم وزادا نادى على شاعر معروف والقى قدّامهم قصيدة قاموا كلهم يصفقوا ويمجدوا وهاذاكا باش ستانسوا
سي الملك سال الشاعر على رايوا قالوا قصيدة رديئة وضعيفة حكم عليه بشهر في زريبة الحيوانات عداهم بين كرعين وحوافر الزوايل خرجوه وعاد نفس المجلس في نفس الجماعة وعمل قصيدة جديدة يلقي فيها سي الشاعر بدا يتسلحب ويحب يفصع فاق بيه الملك قالوا وين ماشي ؟ قالوا سيدي الملك راجع للزريبة مع الحيوانات افضل وانقى مالحيوانات الي مدوّرهم بيك …
والحكاية ليها كمالة وفي حلقة اخرى ليها نشالله نهاية
شاهية طيبة
حافظ
مواضيع ذات صلة
