خرافات عمّي الباشير الرمضانيّة : بيع الفلايات للي ما عندوش شعر

يا سادة ويا مادة يدلنا للحق والشهادة ويجعل اخر ايام رمضان خير وعبادة اليوم خرافة الفلاية والاصلع

يحكيو على تاجر كبير بعث صناعو باش يبيعوا الفلايات في قرية معروفة الي اهلها الكل ما يكسابوا حتى شعرة في روسهم …اي سيدي رجع اكثرهم وما باع حتى فلاية وحجتهم الي اش يعملوا بيهم

المهم ثمة ثلاثة منهم باعوا كل واحد كمية …الاول باع 20 فلاية خاترو اقنع الي شراهم باش يحكوا بيهم ظهرهم

الثاتي باع 200 فلاية وطلع مهف شوية خاتروا اقنع الي شراوهم الي راهم ينفعوا زوارهم من مدن اخرى ويستحقوهم

الثالث وهو اكبر مهف فيهم باع 1000 فلاية تعرف علاش ؟؟ خاتروا مختص في الكذب والتاثير على الناس وقدملهم تفاسير ووعود كبيرة وفهمهم الى الي الفلاية امر كبير وفخر للمدينة ..

وهذا المهف يفكرني ويفكركم في السياسيين قبل الانتخابات يبيعولنا الاوهام والفلايات وهانا لليوم نفليو بيها في القمل

اي بر شاهية طيبة

حافظ