خرافات عمّي الباشير الرمضانيّة: مخلوقات طالحة موش صالحة
24 افريل 2022، 17:00
يا سادة و يا مادة ، يدلنا و يدلكم على طريق الشهادة …عمي الباشير اليوم ماشي يخرفلنا خرافة من قاع الخابية كلها حكم والغاز
يحكيو على أرض بور قاحلة، عاشت فيها مخلوقات طالحة مش صالحة، قالك في زمان ما قبل الطوفان طوفان 69 نقصد وبعد نظافت وشدّت الثنية لين رجع ياجوج وماجوج ودخلت الارض الطيبة بعضها .. قلك يا سادة البلاصة هاذي كانت معروفة في عهد سيلمان، كانت زاخرة بالجان، في برها مشاو و في سماها علّاو .. قتلو فيها وتحاربوا فيها، وقالك زادة أول جن حب ينقلب على سليمان كان ساكن عليها …
ايجا يا زمان وبرا يا زمان وعمرت البلاد بالناس و قعدت البلاصة منعوتة بالصبع، أذيكا أرض العبابث و الجان و الي يعفسها فان .. وشايلله سيدي محرز
اي شاهية طيبة
حافظ
مواضيع ذات صلة
