ردّ بالك… موش كل ما يتباع على فايسبوك دواء!…اشرف المذيوب

هيئة الصيادلة دقّت ناقوس الخطر وحذّرت التوانسة من الانسياق وراء صفحات تروّج لما يُسمّى مكمّلات غذائية، بينما هي في الحقيقة أدوية خطيرة ومجهولة المصدر، تنجّم تضرّ بصحتك ويمكن توصل حتى لمضاعفات خطيرة.
بعد متابعة محتوى بعض الصفحات، تبيّن وجود دواء غير مسوّق في تونس، يتباع للعموم عبر فايسبوك، بلا ترخيص وبلا رقابة.
الهيئة أكّدت إنّ الدواء هذا يمثّل خطر مباشر على سلامة المواطنين، وقدّمت في الغرض شكاية جزائية ضدّ كل من تورّط في الترويج والبيع خارج القانون.
🧑‍⚕️ الدواء يتشرا كان من الصيدلية
وما يتباعش:
❌ من صفحات مجهولة
❌ من إعلانات مغرية
❌ من أشخاص موش مختصّين
هيئة الصيادلة شدّدت: الترويج للأدوية قانونيًا يكون حصريًا عبر الصيادلة وضمن مسالك مراقَبة، وتعهدت بمواصلة التصدّي لكل أشكال التلاعب بصحة المواطن.
📢 إذا تشوف صفحة مشبوهة… بلّغ!
صحتك أغلى من أي إعلان.
🛑 ما تخلّيش “بوست” يقرّر مصير صحتك.