زاهر كمون يكتب لكم حكاية سيدي عبد الكافي بصفاقس
حكاية سيدي عبد الكافي في العهد الحفصي, الامير الحفصي ابو حفص عمر ملك طرابلس في القرن 8 هجري حب يعرس لبنتو بوزيرو جعفر ياخي رفض و هرب الوزير لصفاقس و احتمى بسيدي بزاوية سيدي عبد الكافي. الامير ارسل في طلبو ياخي الولي رفض تسليمو باعتبار انو الزاوية هي حرم للهاربين ياخي الامير الحفصي بعث جيش كامل باش ينتقم و لكن بدعاء الولي الجيش الكل بلعتو الارض ما عدى جندي واحد رجع يجري للامير باش يعلمو. الامير قرر انو يمشي يزور الزاوية و يسامح وزيرو عرض على سيدي عبد الكافي الاموال لرعاية الزاوية سيدي عبد الكافي هو ابو الحسن علي عبد الكافي القرشي العثماني اليثربي و عندو 3 صغار و هوما سيدي عبيد الزواي و سيدي يعقوب ابو يوسف و سيدي محمد و اشتهر بابي عتور جد كل افراد عائلة بوعتور الى اليوم
ملاحظة: هذا المنشور هو جزء من توثيقي للتراث المادي و اللامادي لصفاقس و حفظه و لكم الحرية في الايمان بالكرامة او لا.
* زاهر كمون مهتم بالتراث المادي و اللامادي لصفاقس
مواضيع ذات صلة
