زعمة علاش سدودنا فارغة؟…زاهر كمّون
27 أكتوبر، 13:30
- اولا على خاطر ماصبتش امطار كبيرة المدة الفايتة في الشمال الغربي فين موجودة السدود الكبرى واللي تغذي تقريبا في تونس كاملة
- ثانيا لانو اغلب السدود التونسية قديمة و amortis وما تصيرلهاش صيانة دورية وبالتالي معبية بالطمي والسدود فيسع تتعبى وفيسع تفرغ
- ثالثا الجزائر في السنوات السابقة بنات برشة سدود جدد وبالتالي الماء اللي كان جاي من الجزائر قاعد ينقص
- بالنسبة للمطر الي صبت في الوسط المدة الفايتة ما عندها حتى علاقة بمياه الشمال اما باهية للفلاحة و تعبية المواجل والفسقيات وزيد ممتازة للسدود الصغرى والبحيرات الجبلية والساترات في الوسط واللي مهمتها أنها توفر مياه السقي وتغذي المائدة الجوفية كيما مثلا سد الشفار في صفاقس
مواضيع ذات صلة
