صفاقس: العجانقة المنكوبة والمنسية والمهمشة…صيحة شباب المنطقة

شباب منطقة العجانقة من ولاية صفاقس انتظر لسنوات ان تتحسن الظروف في هذه المنطقة الفلاحية الثرية بخيراتها ولكن يبدو ان السلط الجهوية لا تهتم بامرهم ولم تحاول ان تتصل بهم حسب ما ورد في رسالتهم التي نرفقها مع المقال :

العجانقة عمادة من معتمدية جبنيانة من ولاية صفاقس ..بعيدة على ولاية صفافس قرابة 50 كلم ….فما شكون في مركز الولاية ميعرفش العجانقة وين تجي …العجانقة اخر مرة جاءها والي من عهد بن علي.. اي والي يجي يخدم في الولاية لا يعرفها لا يتفكرها حتي بزيارة كي يزور البلايص الآخرين….#نعاود نذكركم العجانقة تابعة ولاية صفاقس
عندي #ميساج ان اشاء الله يوصل لوالي صفاقس و كل السلط الجهوية …ان اشاء الله يجاو نهار على غفلة للعجانقة و يشوف الوضعية اللي فيها هاذي العمادة المنسية و المهمشة
لا طرقات لا بنية تحتية لا مركز بريد لا ملعب حي حتي الدائرة بلدية عندها عام مسكرة و الأشغال انتهت
-1) الطريق الوحيد اللي يربطنا بمعتمدية جبنيانة أصبح كارثي و خطر يهدد الناس كل حفر و برشا حوادث صارت فيه
2) مركز بريد وقع اغلاقو عندو اكثر من اسبوع و حلول أصبحت مستحيلة في ظل شروط الموجودة عام او عامين باش يرجع هذا و كان رجع
3 ) مستوصف الموجود في العجانقة معاناة كبيرة ..دواء متاع الأمراض المزمنة يقعد بنصف شهر و شهر مفماش ..؟؟خطر على الناس اللي تاخذ في الدواء ..فما اللي منجماش ياخذ بالفلوس
4)الدائرة البلدية أصبحت مسلسل مكسيكي عندها عام من الأشغال انتهت و وقع تسليمها الي الي بلدية جبنيانة و الي حد الآن مزالت مسكرة …علاش مسكرة ..الله اعلم ؟
4) عمادة فيها أكثر من 10 الف ساكن حتي ملعب حي مفماش او و حتي دار الشباب كان موجودة في الوعود وين وصلت الله اعلم …العجانقة فيها ابطال في الرياضات الفردية ابطال تونس و ابطال العالم و فبها كوارجية كرة القدم و كرة اليد .