عذرا يا اساتذة الجغرافيا … راجعوا مصادركم … وخاصة حيّنوا معارفكم …. عبد الكريم قطاطة

منذ دراستنا بالابتدائي وتكرّر ذلك في الثانوي علّمونا اساتذتنا الاجلاء في مادّة الجغرافيا انّ تونس بلد يقع في شمال القارة الافريقية يحده غربا الجزائر وجنوبا ليبيا والصحراء وشمالا وشرقا البحر الابيض المتوسط … وعلمونا ايضا انّ من اهمّ مدنه العاصمة تونس وسوسة جوهرة الساحل وصفاقس عاصمة الجنوب والقيروان عاصمة الاغالبة والمهدية عاصمة الفاطميين علاوة على عديد المدن الاخرى والتي لها ايضا تاريخها وعلى ذكر التاريخ الغريب في الامر انّ اساتذة الجغرافيا في تلك الفترة كانوا هم ايضا اساتذة لمادّة التاريخ .. اقول الغريب لانّ جغرافيا تونس لم تتطابق يوما مع تاريخ مدنها ..واذا كان من المعقول وهذا في جلّ دول العالم ان تحظى العاصمة بمكانة خاصة فانّ التاريخ اثبت انّ عاصمتنا تونس وفي قطاعات عديدة _ كلات الدنيا وتسحّرت بالاخرة _ لذلك وجب تعديل التوصيفة الجغرافية الخاصة بتونس كبلد لتصبح على النحو التالي ..البلاد التونسية تقع دائما في شمال القارة تحدها شمالا بنزرت وغربا جندوبة والكاف وجنوبا سوسة وصفاقس … ومن اهمّ مدنها باب سويقة وباب الجديد والمرسى وحمام الانف ..انذاك فقط نفهم انّ موقعنا نحن في صفاقس مثلا يصبح موقع جارة لتونس كبلد ونتفهم جدا اننا نحن من همشنا صفاقس وعلينا ان نكف عن البكاء والعويل وان ندّعي ظلما اقتصاديا او سياسيا او اعلاميا او ثقافيا او كرويا انّ تونس متاع باب سويقة وباب الجديد وتونس بتلفزتها وباعلامها العاصمي وراء كل ذلك .. اذن وكمثال علاش نتبلّاو على الجامعة والرابطة وقت تعيّن المقابلة متاعنا ضدّ بن قردان يوم الاربعاء على الساعة الثالثة والنصف وتشوت الكورة للتلفزة وتؤكد انها وراء القرار والتلفزة من جهتها ترجّع تشوتلها الكورة وتنكر ذلك تماما ..وهو في الحقيقة احنا اللي قاعدين يشوتو فينا … وعندهم الف حق ..تي في الاخير ما زلنا ما فقناش انو انتماءنا لتونس كبلد يظهر كان في وقت الانتخابات ؟ تي وينو مشروع المترو ؟ ويني تبارورة .؟ ويني المدينة الرياضية ؟ ويني البنية التحتية ؟ ويني صفاقس اصلا ؟؟ اعود من حيث انطلقت في التدوينة ..احنا كصفاقس راهو ننتمي عمليا لبلد مجاور اسمه تونس ومن اهم عواصمه باب سويقة وباب الجديد يحدنا شمالا سوسة والقيروان وجنوبا قابس وغربا سيدي بوزيد وشرقا …كدت اقول البحر الابيض المتوسط ..وتفطنت في الاخير الى انه البحر الرمادي المتوسط ..معذرة اساتذتي في الجغرافيا ..التاريخ اظهر انه قادر على تغيير الجغرافيا …