على مواقع التواصل الإجتماعي : ردّوا بالكم على صغاركم من القنوات الخاصّة

أولا و قبل كل شيء ردوا بالكم راهي مسؤولية تربية صغاركم في يديكم و نصيحة أبعدوا صغاركم على القنوات التونسية الخاصة …نرجعوا لموضوعنا…شنوا إلّي يخلي ممثل كبير و بقيمتو و بتاريخو الحافل بالأعمال الناجحة.. يطيّح قدرو و يقبل يشارك في مسلسل سيناريو مهزلة نابع من مخيّلة فقيرة حدودها الإرهاب و الزواج العرفي و القتل والزطلة والشعوذة …؟علاش فنان كبير يشارك في جريمة تدمير المجتمع بنشر ثقافة العزام والتكركيب بالملح و التشجيع على الزواج العرفي ..علاش الأعمال الكبيرة متاع “الكفار” بكلها عبر و دروس في الإنسانية والأخلاق…. حتى كيف فنان كبير يلعب دور “باندي” يكون باندي في خدمة الضعفاء.. لأنو هو فنان كبير ومؤثر في المجتمع ولازم التأثير يكون في الاتجاه الإيجابي موش السلبي… شنوا الهدف من مشهد راجل يقنع في مرتو بفوائد الزواج العرفي بعد عشرين سنا عرس ومرتو تقلو بلّع فمك “!؟ هاذي الثقافة الي تنشر فيها الدراما التونسية في المجتمع؟ طبعا هاذي ما تنجم تكون كان جريمة مكتملة الأركان في حق المجتمع وفي حق الفئات العمرية الهشة خاصة… وللأسف شارك فيها ممثلين كبار حبّيناهم في السابق من خلال أعمال جادة ومحترمة.

منقول