كيف المنشار.. طالع هابط… عبد الكريم قطاطة

ثمّة ناس كيف المنشار طالع يجزّر هابط يجزّر… اللطف كلّ تدويناتهم عدائية سوداء مع البعض مناصرة تقديسية مع البعض الاخر… مع الخصوم يكفي انك تقلّو انّو ذلك الخصم اسمو علي مثلا يقلّك مستحيل هاكة اسمو شرشبيل.. وتقلّو عن الشخص اللي يحبّو هاكة راهو شدّوه وامام الجميع يسرق.. يقلّك مستحيل هاكة يحبّو يركّبولو تهمة… هالفصيلة عندها مرض اسمو التقوقع.. الى درجة انّو لا معنى لوجودها الا كيف تكون كالمنشار.. دون ذلك المنشار هي فراغ.. يوميّا بعد ما تشرب قهوتها تبسمل وتتوكّل على الله.. وفي الحقيقة هي تتوكّل على الشيطان وتكتب.. لذلك تأتي تدويناتها عدائية سوداء. منطلقها قلبها الاكحل ولا مكان للعقل الراشد عندها.. اي -قاتلك قاتلك-.. ربّي يفرّج عليها.. رغم انّو الامل في شفائها مستبعد… موش قلتلكم وجودها وتثبيت ذلك الوجود لا يتمّ الا بالكتابات المنشاريّة.