لا عاد …راك شيّطت يا جامعة … عبد الكريم قطاطة

الجامعة التونسية لكرة القدم تعاقدت مع انيس بوجلبان للاشراف على الفريق الاولمبي وتفكّر في تعيين فتحي جبال للاشراف على فريق الاواسط …الامر جلل يا قوم ..اكيد انيس وفتحي قدموا ملفات مدلّسة .. اين التدليس ؟ في مكان الولادة واللي هو نورمالمون صفاقس ..زعمة تطلعشي الجامعة عاملة بلعاني على هاكة الجماعة اللي ديجا التو ما بلعو حربوشة سامي الطرابلسي ودحمان ومعلول ؟ .. تزيدهم هالتعينات يا جامعة ؟ لا عاد راك شيطت عليهم .. زعمة الجامعة طلعت من معتنقي موتوا بغيظكم ؟ من موقعي ولانّ قلبي الصغير لا يتحمّل اقول للجماعة .. انا في مكانكم نخرج في مظاهرة يوم 18 لانّ يوم 17 محجوز ..وشعاركم في ذلك .. خبز وماء وصفاقسي لا ؟؟؟… تقولشي مواطنو صفاقس موش توانسة ..هذا نهارا .. امّا ليلا فسيعودون الى التلافز والاذاعات التي يعملون بها وسيكونون كما عرفناهم .. صراخهم اضخم من اصواتهم . …وسيوفهم اكبر من قاماتهم … .. 15 ديسمبر 2025