لم نعتد اننا نفرح لبعضنا …حافظ القسمطيني

الترجي فريق تونسي ليه منتميه و مشجعيه و انصاره. اللي يعملو لروحو و يكذب عليك اللي يقلك يمثل البلاد لانو كل واحد يضرب على درابوه و لو كان الحدث وطني لاشرفت عليه وزارة الرياضة بمعية الترجي !
نحن للاسف لم نعتد اننا نفرح لبعضنا و زايد الاستفزاز و تطييح القدر و يبقى الشاهد الوحيد على العصر هو التاريخ و التاريخ لا يرحم و الناس الكل تعرف و لا فائدة من تاجيج الاوضاع اكثر ماهي ماججة و الدليل اننا لا يمكننا تامين مباراة بجمهور فريقين و لا تامين اثاث او تجهيزات او لاعبين في صورة انهزام الفريق صاحب الارض ! و الالقاب اللي باش يحصل عليها فريق يدفع اضعاف اضعاف قيمتها, بلاش بيها !
على مستوى الفرق في تونس, الوطني يختلف عن العربي و القاري و الدولي فنحن من فترة في انحدار مفزع اكتشفنا ذلك في الاستحقاقات الاخيرة و ربما سنكتشفه اكثر في الايام القادمة و هو ما لا اتمناه لاننا في الاخير فقط مع المنتخب الوطني لا يزايد علينا احد و لا نتمنى الا الخير لنخبتنا على اعتبار انها بمفردها تحمل الراية و تمثّل تونس و على الجميع الالتفاف حولها و الاقبال على تشجيعها.