ما عندي ما نقول … عبد الكريم قطاطة

اصدقائي يطلبو مني باش نعلّق على الخسارة ضد الفريق القسمطيني الجزائري …في الحقيقة انا متبلاكي ورواشك مخي داخلة بعضها …للامانة انا اللي يهمني اكثر وين ماشية السي اس اس ؟؟ تعرفوها وحلة المنجل في القلّة ؟؟ تعرفوها اش يخلّص الحرير من الزرب ؟؟ تعرفوها امورنا مخبّلة في كبّة ؟؟ تعرفوها قللو يا كلب شبيك تلهّف قللو خايف من قايلة غدوة ؟؟ ربي يفكنا من المنجل ومن الزرب ومن الكبّة ومن قايلة غدوة …وما تقولوليش اش بيك متشائم …اما الغد متاع نادينا ما يفرّحش .. يا ستار تستر واكهو بجاه ربي ورجاء منكم جميعا في تعليقاتكم ما تزيدوش على مابيّ … لانّو وفي كل الحالات هاكي ميا اموري وانا ما نطيقش واحد يحكي عليها بكلام خايب ….. ورجاء ثاني للجماعة اللي قولو الممرن الليلة يروح لبلادو يززيو من الهزان والنفضان ..ايجاو الكل نخلصوه وبعد انا نوصلو للمطار ونودعو من غير بوس 27 نوفمبر 2024