محرز الغنوشي : البحر المتوسط يغلي غليان..وتونس في قلب العاصفة المناخية..

في آخر جويلية 2025، الأقمار الصناعية سجلت حاجة ما صارتش برشا : المتوسط اسخن من العادة بفارق كبير في بعض البلايص..!
درجة حرارة سطح البحر وصلت لأرقام قياسية، وهاك الموجة هاذي تنجم تكون من أخطر ما شفناه في السنوات الأخيرة.
🔥 شنو اللي صاير؟
🔴 في شرق المتوسط (كيف قبرص والبحر الأسود):

• حرارة البحر 29 حتى 30°C
• الفرق على العادة: +4 حتى +5 درجات!
  🇬🇷 حتى في شمال بحر إيجه (اليونان):
• الحرارة 28–29°C
• والانحراف +2 حتى +3°C
  🌬️ أما في غرب المتوسط (جهة فرنسا وإسبانيا):
• البحر مازال معتدل (19–20°C)
• هذا بفضل رياح “الشرش” الباردة
  🇹🇳 وتونس؟
  إحنا تحت التأثير المباشر للموجة..
  🌡️ حرارة البحر:
• 26 حتى 28°C في بنزرت، خليج تونس، الساحل
• توصل حتى 30°C في خليج قابس!
  📈 والفوارق مقارنة بالمعدلات اكثر من العادة :
• +1 حتى +2 درجات في أغلب المناطق
• +4 درجات في خليج قابس 😳
  ⚠️ شنوّ ينجم يصير؟
• البحار تولي أقل أوكسجين → يضر بالأسماك
• تكاثر الطحالب
• الرطوبة تزيد → الجو يولّي خانق
• والمهمّ : كل ما البحر يسخن، تكثر التقلبات الجوية والامطار القوية في الخريف..
  💧 يعني خطر الفيضانات وارد.. ولازم نكونو حذرين في الخريف..
  🌍 الخلاصة؟
  الاحتباس الحراري موش غدوة.. راهو واقع نعيشو فيه اليوم!
  واهوا البحر يعطينا إنذار جديد..