مهاترات صائم :صفاقس لا والي لا تالي لا غاز للزوالي

بالعربي وبالفلاقي وبكل لغة يمكن تفهمها الدولة متاعنا رانا عندنا فساد كبير في صفاقس …فساد في كل شيء …نبداو بحكاية الغاز يا سيدي الاضراب انتهى عندو 10 ايام واحنا نعانيو هز ساق تغرق الاخرى ..والله سخفتني سيدة كبيرة تبكي ما لقاتش علاش اطيب …ايه الحاكم وين ؟ راقد والا مشارك ؟ الكوامن متاع الغاز ولاو كيف البوخفاش ما يخرجوا كان في الليل ولاماكن معينة والتاليفونات تخدم والتاكسيستية يعبيو وبالطبع السوم من 10.000 لفوق ….شكون يراقبهم ويمنع هاالجريمة ما تقولوليش ما تعرفوهاش ؟ راني والله نتغشش وكيف نتغشش نرمضن عليكم .. مخ الهدرة صفاقس لا والي لا تالي لا غاز للزوالي …وفى الحديث

شاهيتكم طيبة كان طيبتم حاجة .