مهاترات صائم : في رمضان الغلة والخضرة اسياد السوق

يمشيشي في بالكم الي اسياد الاسواق معناها قلوبهم طيبة ويتميزوا باخلاق الاسياد ؟؟ لا يا معلم فيق راهو التفاح ب 14 دينار تقول عليه مصنوع من الياقوت والبانان ب8 لاف والفراز بعشرة لاف …تحبوا كلمة واحدة تلخّص الموضوع ؟؟؟ الي سميتهم الكل طاحوا في ايدين اولاد الحلال واولاد الحلال هاذم ما يعرفوا من الحلال كان اسمو وطاحوا سرقة ونصب واحتيال عالمواطن والاتعس سي المواطن ينطبق عليه مثل “الكلب يموت على خانقو” وقت تشوفو شادد الصف ويعارك عالتفاح والبانان والفراز وبعد يغني اغنية “ما عندي والي راني زوالي”.

حافظ