مواطنوا ساقية الزّيت لبلديّهم : راهي حفرة وطرافها نار …

سكان ساقية الزيت ومنذ اكثر من شهرين وهم يشتكون امر حفرة ماكرة …حفرة عميقة اكتفت البلدية باحاطتها بسياج حديدي ويا دار ما دخلك شر ….وكما كتب الناشط كمال البهلول : ربي يستر مالقادم ومالحوادث التي يمكن ان تتسبب فيها وفي يلى ما دوّنه الناشط كمال البهلول :

هذه ليست بلاعة
هذه حفرة بساقية الزيت شارع الحرية امام مسجد اليسر.
بلٌغنا عليها السلط ما يقارب شهرين لتالي…
والاوناس والبلدية كل واحد يرمي في الكورة للاخر
المصيبة انها موش حفرة عادية بل حفرة واجنابها على عرض الطريق مجخورة ومسقفة على الفاضي يعني كميونة معبية بالسلعة والا سامي ريمورك يتعدى حتى بجنبها تغر بيه القاعة والكياس ويتبلع غادي ….
راهو اكثر من شهرين واحنا نقرق باش يجيوا يصلحوها ووخصروا علينا دوروها بزوز باريارات وشيقة حمراء ووخروا لتالي والله عيب والشكوى كان لربي واكا هو
يا اصحاب القلوب الرحيمة ببلدية ساقية الزيت اتحركوا يرحم من ضناكم رمضان على الابواب وصلاة تراويح كذلك وناس ماشية جاية سواء للتراويح او للصبح وخطر صافي على المصلين والمواطنين ايضا… اتحركوا يرحم والديكم…