هدفهم إرجاعنا للفساد وللإرهاب …فتحي الجموسي

مرة بحجة مقاومة الإنقلاب ومرة بحجة الشرعية واحترام نتيجة الإنتخابات و مرة بحجة الديمقراطية ومرة بحجة احترام الدستور ومرة بحجة الخوف على مصالح البلاد أو الخوف من الديكتاتورية، مرة بحجة أمريكا و أوروبا متغشين وموش راضيين، مهما كانت حجتهم هدفهم الوحيد يرجعونا لما قبل 25 جويلية.

هدفهم يرجعونا للفساد وللإرهاب ويرجعونا لزمن 230 ميت يوميا بالكورونا ويرجعونا لزمن حكم الخليفي وطوبال وسيف مخلوف ورئيسهم .

صحيح مسار قيس سعيد موش واضح بالكل، لكن مهما كانت نتيجتو ما تنجمش تكون أتعس من قبل.في الأخير موش مشكل حتى كان قيس هزنا للهاوية عزائنا انو محناش باش نمشيوا وحدنا وباش يمشيوا معانا اليد في اليد.وكيف ما يقول المثل المهذب : ” الموت مع الجماعة خلاعة ” وإلا كيف ما يقول المثل السوقي : ” في التراب ولا …..”.