أزمات صفاقس تحتاج اجتماعات طارئة وعاجلة على أعلى مستوى……منية العرفاوي

صُدمت وأنا أقرأ تدوينة اليوم لصديقتي غادة الجمل عن تواصل انقطاع الماء في مناطق من صفاقس لمدة عشرين يوما بالتمام والكمال!!!!
اي نعرف ثمه انقطاعات متواصلة للماء في الجهات.. في الشمال حيث منابع وينابيع الماء.. ولا يخلو الأمر من انقطاعات متكررة.. لكن في هذا الحرّ وفي ثاني اكبر مدن الجمهورية بكل مرافقها ومصانعها وشركاتها يقص الماء 3 أسابيع! وحدّ ما تتحركلو شعرة..
ولاية بذلك الحجم الاقتصادي، الديمغرافي، الاجتماعي من غير والي.. ماذا يعني…
ياخي وين ماشين.. واشنوة دورها الدولة هذه في حياة التونسيين بالضبط
أي هاك نحيت مدير الصوناد وحليت بحث عدلي في جماعة الماء.. ومن بعد ؟؟؟؟البحث يجيب رجعشي الماء
عملتش حاجة في العمق بعيد على الشعارات لإيجاد حل.. تحفر آبار.. تحلي ماء البحر.. تتصرّف.. باش مسؤولين مالا..
مهمة الحاكم تسهيل حياة المواطنين .. هاي حياة المواطنين مرّار..
اش عملنا وجاء مليح..
اللي صاير موش معقول
وأزمات صفاقس تحتاج اجتماعات طارئة وعاجلة على أعلى مستوى
كيفاش ولاية بذلك الثقل الاستراتيجي على جميع المستويات صاير فيها اللي قاعد صاير!