صحيح ما ربحناش لانو آليات الربح مفقودة اما الاهم ما خسرناش…عبد الكريم قطاطة

غُمّة على غُمّة … الاجواء في فلسطين الحبيبة تركّب الغمّة … اغتيالات وخونة من داخل فلسطين وخارجها وعربدة صهيونية بمباركة الاعداء في الداخل والخارج ..تقول هات نتفرّج على مقابلة كرة قدم .. مقابلة الكلاسيكو ..ثمّشي الواحد ينسى شويّة .انا واحد من الناس اللي .يتفرّج بقلبو وبعقلو .. نظرا للفترة الانتقالية اللي يعيشها فريقي ..ونقول ثمّة بشائر .. اي نعم وقت تتعادل خارج ميدانك مع واحد من الثلاثة الكبار راهي النتيجة موش خايبة ..صحيح مازال برشة سلبيات باش الفريق يتصلّح ..والغُمّة الكبيرة وقت تقرا التعاليق على فريقك ومدرّبو والهيئة المديرة .. بالحقّ يزيدو غُمّة على غُمّة ..نعاود نقول النادي الصفاقسي حاليا لم يرتق حتّى الى درجة المتوسّط ..لكن برشة حاجات ايجابية اليوم ..الانضباط الدفاعي ..دحمان .. نقطتا ضوء .. الوسط والهجوم دون المتوسط .. في مثل هذه المقابلات صحيح ما ربحناش لانو آليات الربح مفقودة اما الاهم ما خسرناش