الكرة في تونس…علي غربال
15 سبتمبر، 14:00
ملاعبي جاي من القسم الثالث يشيخ على ملاعبي عامل 100 سلكسيون …
وملاعبي يخلص في ستمياتلف يشيخ على ملاعبي يخلص في ميتين مليون في الشهر …
فرق عاصمية منفوخة إعلاميا بلاتوات وتلافز وإذاعات ومواقع وباجات وكرونيكورات ينفخو ينفخو ينفخو، وباج نسمة سبور قريب تهبط أخبارهم كي يمشيو للحاشاك …
حكام فيهم برشا فساد بالسند المتصل، بلاش فار يعمل اللي يحب وبالفار يعمل اللي يحي ويعرف اللي فما شكون أفسد منو في الفار باش يحميه، والزوز يعرفو اللي فما شكون أفسد منهم باش يكوفريهم في المافيولا … بكل وقاحة … والحبل ع الجرارة …
بالمختصر المفيد: مليارات في مهب الريح …
الكرة في تونس ما تستحقش القاوق هذا الكل، وما تستحقش الفلوس هاذي الكل، وما تستحقش البلاتوات هاذي الكل …
مواضيع ذات صلة
