المشكلة موش جديدة… والحديث على الكلاب السائبة موش وليد اليوم….اشرف المذيوب

المشكلة موش جديدة… والحديث على الكلاب السائبة موش وليد اليوم
سنوات وإحنا نسمعو نفس الوعود، ونشوفو نفس الحملات المؤقتة. كل مرة تصير فاجعة، تتحرك البلديات والمصالح البيطرية لأيام، تتصدر القضية عناوين الأخبار، وبعدها… يرجع كل شيء كيما كان.
واليوم، دفعت الطفلة رغد حياتها ثمن هذا التهاون.
إذا كانت وفاة طفل ما تكفيش باش تتحط خطة وطنية دائمة، فشنوة يلزم يصير أكثر من هكا؟
المطلوب موش حملة ثلاثة أيام… المطلوب برنامج متواصل طول العام: مقاومة حقيقية للكلاب السائبة، تلقيح، تعقيم، إيواء، وتطبيق صارم للقانون، مع محاسبة كل جهة قصّرت في حماية المواطنين.
سلامة الأطفال ما تنجمش تكون مرتبطة بردّة فعل بعد كل مأساة.
رحم الله الصغيرة رغد، لكن تكريم ذكراها الحقيقي موش بالكلام… تكريمها يكون كي ما يتعاودش نفس المشهد مع طفل آخر.