النفايات الطبية في صفاقس : لغز يجب ان يطيح باكثر من راس

موضوع النفايات الطبية بصفاقس ليس وليد اليوم وكلنا يتذكر ما حدث بقسم كوفيد بالمستشفى الجامعي الهادي شاكر وفي ليلة واحدة تبخرت هذه النفايات ولا احد يعلم مصيرها ولعل راوية عميرة المكلفة بالنظافة والبيئة ببلدية صفاقس اكثر شخص مؤهل للحديث في هذا الموضوع وكتبت تدوينة كشفت هول الكارثة وعدم تعامل السلط الجهوية والقضائية مع الموضوع بكل جدّية :

تكلمت عليها العديد من المرات برمجت العديد من الجلسات باش نفهم السيركيوي الغامض…أطلقت صيحة فزع عندما تبخرت 120 طن من مستشفى الهادي شاكر صبيحة 30 سبتمبر 2020 شديت صحيح نحب نعرف l éco mafias الي عنا في صفاقس شكونهم؟؟الي يتلاعبوا بصحة المواطنين شكونهم؟؟ الي خربولنا في بيئتنا شكونهم؟؟؟ باااارشاااا فلوس مسؤولين و مقاولين و العديد من الأطراف الي تعكعك على حساب صحتنا لوبي كبير …و برغم التضييق و الهرسلة على خاطرني قلقتهم شديت صحيح و في كل مناسبة اعلامية انقدم و ما وخرتش و بالضغط ترفعت قضية فرحت نستنى في كشف الحقيقة و محاسبة هؤولاء المجرمين و نسيت الي انا قبل 25 جويلية الناس الكل تغطي على بعضها و القضية قبرت و بات الحس و لحد الساعة ما فمة شئ و هاكة علاش اليوم اطورت بيهم الامور و ولاو اخزنوا في دبوات بعد ما كانت تحرق و تردم على خاطر ما فماش محاسبة الكل اغطي على الكل….مجهود كبير قامت به المؤسسة الأمنية في مقدمتها الشرطة البلدية و على المؤسسة القضائية مساءلة و محاسبة كل المتورطين من قريب أو من بعيد و ان شاء الله ما نشوفوش كبش فداء لاني متأكدة الي فمة رؤوس كبار لازم اطير…

راوية عميرة

اليوم ننتظر تحركا سريعا وحقيقيا دون محاباة ودون تغطية الشمس بالغربال فكلنا نعرف من تسبب في ذلك وقد يتم الكشف بالاسماء من طرف المجتمع المدني الذي اصبح قوة ضاربة