ايه وبعد ؟؟ ….. عبد الكريم قطاطة

دربي امس لم يخلُ من مشاهد قذرة ..نحكي على توغاي وشوّاط والخنيفري …. لوحة وسخة شاهدها العالم ..كرة القدم تحوّلت الى ميدان ملاكمة وكاراتي وكونغ فو … فضيحة وعار .. ايه وبعد ؟ كيف ستتصرّف الرابطة والجامعة والوزارة ؟ زعمة شاهد ما شافشي حاجة ؟..مهما كانت الاسباب يجب ان يكون العقاب صارما ..صارما … صارما …ليس فقط كرة القدم التونسية في الميزان ..اسم تونس في الميزان .. وزيد عاد هاكة الخنار متاع اللي اقسم بالله ثلاث مرات انو الترجي سيكون بطل تونس ..اش ينفعو حلق شعرو امام القسم بالله ؟؟ ومعاه غرغر يا غراب اللي وعد انو يجي بشورت وبربطة عنق بيضاء وحمراء لو ربحت الافريقي البطولة .. موش لوكان عمل ربطة لمخّو قبل ما يولّي تكركيرة ؟ رغم انو طول عمرو كان تكركيرة …واختمها بهاكة الصحبي اللي قلك يلزم الترجي تتقدم بطلب باش تلعب في اوروبا ..لانو البطولة التونسية ماعادش تلعّبها … توة موش هالجماعة يلزمهم يخرجو من المشهد الرياضي نهائيا ..؟. شفتو حرية التعبير اللي جات بعد جانفي 2011 وين وصلت بينا ..؟؟…..