بعد الترشح كليمتين لاهم خفاف ولاهم نظاف لبعض المحسوبين على أحبّاء السي آس آس ….عبد الكريم قطاطة

اوّلا مبروك الترشّح … ثانيا شكرا للجميع دون استثناء وخاصة لجمهوره الحاضر في قطر … ثالثا وهذا هو بيت القصيد … النادي هذا الموسم هو من اضعف النسخ في تاريخه …والانجاز الكبير يكمن فقط في الانتصار على الشابة … اذن تحبوه بعمل نقلة نوعية سحريّة في بضعة اسابيع ؟؟ كالعادة ورغم الترشّح بعد مقابلة اليوم مازال البعض يحاول حرماننا من الفرحة …توة هذوما احباء واعيين بوضع الفريق ؟؟ مع تقديري للنوعية هذيّة اعتبرها اكبر نكبة للنادي .. طول عمرهم يبكيو ويشكيو وهوما و الدمّار اخوة … اذا كنّا متفقين انو النادي يمرّ بمرحلة سيئة نزيدو عليه ؟؟ انا كمحبّ لا اطمع في ايّ لقب هذا الموسم .. اطمح فقط في نقلة نوعيّة تدريجيّة ..واضح انو موش كلّ واحد يعرف يحبّ العائلة متاعو و يعرف يصبر عليها … يرحم والديكم اندثروا .. انتم عالة على الفريق .