بعيد على السياسة كذبة الميكروتروتوار…عادل اللطيفي

مانيش عارف لاحظتو نفس الشيء او لا. كل مرة تجي قدامي على فيسبوك هاك الفيديوات في شارع الحبيب بوقيبة يحكو. نشوف شوية نقول نطلع على العباد كيفاش تتكلم بعفوية ولو اني شاك في ها العفوية لانو بعض الكلام سوسيولوجيا غير قابل للتصنيف وزيد نعرفو مجتمعنا. ليوم شفت مقطع فيه مرا ومعاها راجل تحكي قالت بما معناه “هانا نتعرفو على بعضنا يشربني قهوة ولم لا نعرسو”.لكن نفس ها المرا شفتها عندي نهارين في فيديو آخر وحدها تفسر كيفاش ما عندهاش راجل وهي تلوج ورجالنا بيهم وكذا وكذا…” زعمة تراقب في الكاميرا وين تمشي، والا الكاميرا اتبع فيها… وإلا متفاهمين؟