بكلّ أمانة وصدق … برشة دول هربت بينا عبد الكريم قطاطة

بكلّ امانة وصدق بطولة هذا الموسم في كرة القدم اكّدت حقيقتين ..الاولى انّ مستوانا افريقيا متوسّط لا غير سواء على مستوى الفرق اوعلى مستوى الفريق الوطني وارجو ان تكذّبني وقائع كأس افريقيا ونحن على بعض الخطوات منها … برشة دول هربت بينا … والحقيقة الثانية انّه وعكس التدوينات المتعصّبة للاحبّاء لفرقهم وعكس الخرونيكورات اللي يركّبو العصب ..جلّ الفرق متقاربة في المستوى ومع احترامي للمدافعين بشراسة على المدربين التوانسة اغلبهم اثبتوا محدوديتهم في الكفاءة . خاصة فيما يسمّى بالفرق الاربعة الكبرى ….لذلك كلّ النتائج وفي ايّة مقابلة هي نتائج منتظرة ..نعم منتظرة …. نعم منتظرة وراس الحنّانة منتظرة .