ختم القرآن في جامع سيدي بالحسن الخموسي ليلة 25 رمضان..محمد الحبيب السلامي

السلام عليكم في صيامكم
فيم أفكر؟
،،،أفكر وأتذكر الختم الكبير في سيدي بلحسن الخموسي،،جرت العادة من ليلة 25 في رمضان تبدا لختام الكبيرة
في الجوامع ،البداية كانت في في جامع سيدي بلحسن الكراي الخموسي ،كل الحلقات اللي عدات تقرا فيه تجتمع
وتختم ،والختم فيه فرجة ،يحضر فيه القايد والخليفة والقاضي ويقرافيه الشيخ الهادي الشافعي دعاء وأوراد ألفها وكتبها سبدي بلحسن ،والحاضرين يرشو عليهم ماء الياسمين ويوزعو عليهم الزلابية،والنساء اللي يجيو من فوق السطوحات تتفرج ساعات تقوم وحدة منهم تزغرد ،،،وليلتها المراكشيين القايمين على حبس سيدي بلحسن يوزعو على من قضى شهر رمضان يقرا في الجامع خبزة سميدصغيرة ،وما يحرموش حتى مراكشي من العايلة ذكر وإلا أنثى منها ،،،،،كان جو روحاني خاص عندو روايحو وعطرو ، زعمة هذا مازال ؟