خرافات عمي الباشير الرمضانيّة : الطمع وقطعان الرقبة

يا سادة يا مادة يدلني ويدلكم للخير والشهادة وخرافة اليوم على طمع بنادم وعينيه الي ما يملاهم كان الدود والتراب

يحكيو الي في سالف العصر والاوان ثمة ملك ذكي ياسر وهوايته يكتشف الرعية متاعو وكل مرة يجربهم في موضوع مختلف …المهم خرج البرّاح والمنادي في كل مدن المملكة اش كون يحب يشارك في امتحان غريب شوية ..اي سيدي تلموا مئات وكل واحد ما ينجحش يرجع لبلادو في الاخر فضل وحيد شاف فيه الملك الشخص الي حاجتو بيه

قالوا اي سيدي تحبشي تملك اراضي ؟

• طبعا سيدي الملك
• – باهي كل ارض تنجم تقطعها سيرا على القدمين تولي ملكك الى الابد . …فرح سي وخينا وقصد ربي يجري بعد ما اختار المنطقة الاكثر اخضرارا وثراء وقطع مسافة كبيرة وقت تعب قال فيه البركة نرجع وناخذ الاراضي الي قطعتها لكن نفسو الامارة بالسوء قالتلو زيد شوية باش تربح اكثر اراضي سي وخينا كمل يجري ويهرول ويقدم وقعد ايام وهو يمشي في النهار ويرتاح شوية في الليل والطمع يقود فيه
• سي الملك الى اليوم ينتظر فيه باش يرجع وياسر حكايات تقول الو هو ضاع وما عرفش يرجع وحكاية اخرى قالوا شافوه في بر الاغوال والاهوال بعد ما طمع يملكو
• الطمع وقطعان الرقبة نتيجة الطمع والرغبة في امتلاك الدنيا
• اي بر شاهية طيبة
• جافظ