شبيكم داهشين ..2 .. ؟؟؟….عبد الكريم قطاطة

اندهش العديد من ذلك المُسمّى كادوريم وهو يرشّح نفسه لحكم تونس .. انا لم اندهش بتاتا لسببين اوّلهما انّ هذا المُسمّى كادوريم فعل اولا بجسده وشما ما يؤكد انه صوردي ومنقوب زادة ..ثمشي واحد عاقل يعتدي على خليقة ربّي بذلك الحجم من السواد ؟ السبب الثاني ..يخخي كادوريم هو الوحيد الذي منّى نفسه بحكم تونس ؟ عشرات من الطامعين والمختلين فكريا وسياسيا وبكل قلة حياء ووقاحة قالولنا _ احنا اش ناقصنا يخخي بورقيبة او بن علي او قيس سعيّد خير منّا ؟؟ يممة عليك يا تونس قداش برشة موش عارفين قيمتك وتاريخك .. باش يجيو ناس يتجرؤو على هيبتك .. وعلى اسمك .. لن يمُرّ هؤلاء . لن يمُرّوا مهما حاول الطراطير اذلال اسم تونس وعلمها وتاريخها ..نعم هي مرّت بتجارب كان فيها بعض من حكمونا اخطاء في تاريخها . وشوّهوا جمالها وعبثوا بالبلاد والعباد …لكن التاريخ لن يُعيد نفس الاخطاء .. 16 جانفي 2026