شيء ينطّق ..2 … عبد الكريم قطاطة

بعيدا عن المدّاحين والمطبّلين ما ثماش واحد عاقل ويحب تونس ينجم يقول انو تونس حاليا بخير والمواطن في بحبوحة العيش ..وبحبوحة العيش عندي بدرجة اولى وبالترتيب قفة المواطن ثمّ الكرامة ثمّ الحرّية … لكن في المقابل وانا التقط صدى الشارع هنالك رفض يكاد يكون قطعي لعودة 99 في ال 100 من سياسيي ما قبل 25 جويلية 2021 .. ورغم ذلك مازال جلّهم يحلمون بالعودة لمراكز القيادة وكلّ واحد وغنايتو …ما فهموش ؟؟ ما فدّوش ؟؟ ..راهو ثمّة فرق بين انك ما تكونش راضي على وضعية تونس الاجتماعية والثقافية والتربوية والاعلامية والسياسية وبين انّك رغم كل ذلك ترضى لعودة تلك الوجوه والاسماء منذ جانفي 2011 ..منيش ماشي نستعمل عبارات متاع عشرية سوداء وارهاب وسرقة فلوس الشعب …بل ساكتفي بالقول كانت سنوات فشل في ادارة شؤون البلاد ..وبالمنطق السليم جُرّبتم فخبتُم … اذن اختشوا واكرموا لحيتكم بايدكم …26 ماي 2026