عبد الكريم قطاطة يتساءل : لو كانت الامور المادية عال العال في نادينا هل نتحدّث اليوم عن كلّ تلك المشاكل في الفريق

بعيدا عن اللغو … وكالعادة سال الحبر بعد انهزام الغالية امام النادي الافريقي و سال الحبر ايضا بعد قرار دحمان بمغادرة النادي …وكثر اللغو والسبّ والشتم والتنبير على الهيئة التسييرية وعلى اللاعبين والمدرّب ..كل قلم او صوت يدوّن مواقفه حسب حساباته وحسب درجة وعيه ..

اسأل سؤالا بسيطا وهنالك من وجهة نظري يأتي الحلّ .. لو كانت الامور المادية عال العال في نادينا هل نتحدّث اليوم عن كلّ تلك المشاكل في الفريق وما اقوله عن كرة القدم اقوله عن الفولاي والباسكات ؟؟ العديد منّا مازال يفكّر بمنطق الكرة في السبعينات والثمانينات ..الكرة الان وقبل كلّ شيء فلوس ..اذا وُجدت الاموال اغلب تلك المشاكل التي يتحدّث عنها الجميع لا يمكن ان تكون …

انتهى زمن الافلاطونية الكروية وولد جمعية وولد فيراج وووو .. ذلك زمن ولّى وانقضى … الان الفلوس الفلوس الفلوس … هي حل جذري لكلّ ما يحدث في ايّ فريق … ثمّة فلوس وهيئة مديرة لتصريف الاعمال .بحنكة . وقتها ثمّة ملاعبية عندها وزنها وثمّة ملاعبية ما تخرجش وتعاود تصحّح العقد متاعها وثمّة ممرّن يخدم مرتاح ..وانجمو نحكيو على مشروع .. وزد على ذلك جمهور متربّي اوّلا ومساهم فعّال ماديا موش فيسبوكيا … دون ذلك ماشين نقعدو نهزّو وننفضو واحنا في بلاصتنا … الكورة احلام نعم ولكن واقعية ايضا …