غدوة تكون تعدّات على تونس 13 عام من أسوء الأعوام في تاريخ البلاد… الفة يوسف

غدوة تكون تعدّات على تونس 13 عام من أسوء الأعوام في تاريخ البلاد…
من بداية التشفي لمواصلة التشفي…
من بداية انهيار الاقتصاد للتنظير لانهيار الاقتصاد…
من الأحلام بالحرية للحلم بالحرقة…
من الأحلام بالمشاريع الإصلاحية والاقتصادية الكبرى للحلم بباكو حليب وباكو روز وباكو قهوة…
من الحلم بإصلاح التعليم والصحة العموميين لواقع سقوطهما المدوي…
البرنامج اللي بدأته أمريكا في 2011 بتونس فشل في كامل المنطقة، أما الشعب التونسي زادة فشل…الحديث على فشل الحكام سهل أما ما ثمة حتى حاكم يحكم وحده…ديما ثمة الانتهازيين اللي ما يهمهمش بلاد تضيع كيف يدبرو هوما شوية امتيازات، ديما ثمة اللحاسة اللي مع الواقف حتى كان يراو الأوضاع كل يوم في النازل…ديما ثمة اللي يبدلو مواقفهم كيفما يبدلو مراول الخلعة متاعهم…
ما تبكيش يا تونس…ما يدوم حال…والتاريخ، كيف الحياة البشرية، مليان بالحلو وبالمر…بالأعوام العجاف والأعوام الخضر…
ومهما تكون الصعوبات تقعد ديما بلادي اللي نحلم نتدفن في ترابها…
وعند الله تجتمع الخصوم…