فاخر الفخفاخ : صفاقس كانت دائما نظيفة ….

اليوم الصفاقسية الكل داهشين كيفاش مدينتهم نظيفة ومنظمة بهذي الصفة.
الحقيقة صفاقس كانت هكة في الستينات وكانت تتغسل بالماء كل ليلة الشوارع متاع بلاد العربي وباب بحر.وكانت الناس تحافظ على مدينتها وايحسوا بكونها ملكهم موش رزق بيليك لكن اليوم الوضع اللي عشناه هو وليد الإهمال من عنصرين هما القادمين والمتساكنين الجدد اللي يلقيو الفضلات وين ايجي لأنها ليست مدينتهم الاصلية وكذلك أبنائنا الشباب اللي ولاو ايتبع.
من ناحية ثانية العمل البلدي تقلص لان الناس اللي يخدموا في التنظيف ما ايقوموش بالواجب كيف ما يلزم والا كيفاش نفسرو اليوم النظافة هذه ؟
النظافة هذي قام بها نفس الفريق البلدي ولازم تتواصل على نفس النسق.وهك تولي صفاقس نظيفة وديمة مزيانة نحسو بالانتماء لمدينتنا وموطنا.
الموضوع الثالث اللي تسبب في أوساخ المدينة هو الانتصاب العشوائي بشوارع المدينة وخصوصا بباب القصبة وأمام المدينة بباب الجبلي.
انجمو مع بعضنا نتلافاو كل هذا ونعملو اليد في اليد ونحسو بروح وفخر الانتماء لمدينتنا.