كُرونيكور التاسعة لأحمد نجيب الشابي… يا معلّم فيق على وضعك

كتب كُرونيكور التاسعة رياض جراد على صفحته :

يا نجيب الشابي.. يا مرشّح حركة النهضة للانتخابات الرئاسية القادمة، ياخي ما تحشمش على روحك تكذب و مهبّط بيان و تحكي في لوغة “ميليشيات” ..!!
معناها انتم عندكم الحق تعبروا اما غيركم لا ؟!
يا معلّم فيق على وضعك…
انت راك متحالف اليوم مع ميليشيا ، مع جماعة عندهم جهاز سرّي (أمني، قضائي، مالي…) و هذا باقرار منّك انت في تصريحات سابقة قبل ما تنتهي صنّوع و أجير صغير و ذليل عند الغنّوشي…
ياخي نسيت شكون الميليشيات لي ضربت المتظاهرين في 9 أفريل 2012 ؟
ياخي نسيت شكون سحل لطفي نقض حتى الموت ؟
ياخي نسيت شكون هجم على مقر الاتحاد بالعصي والاسلحة البيضاء في 4 ديسمبر 2012 ؟
ياخي نسيت شكون هجم على سفارة أمريكا ؟
ياخي شكون كان يعتدي بالعنف على إجتماعات الأحزاب بعد 2011 ؟ موش روابط حماية النهضة!!!
شكون تلاحقه اليوم تهم التورّط في الإرهاب و الإغتيالات والتسفير و تبييض الأموال…؟
موش الخوانجيّة لي متحالف معاهم سيادتك اليوم ؟
انت بالحق إنسان ما تحشمش!! مستعد تتحالف مع الشيطان المهم تشد رئيس ولّا حتى معتمد.. هذي عقدة حياتك.

لارجوع الى الوراء