لهذه الأسباب تم منع البعض من دخول جزيرة قرقنة

اشتكى البعض من التواجد الامني الكثيف في بطاح قرقنة وتم منع العديد من ركوب اللود للذهاب الى جزيرة قرقنة وسال البعض عن اسباب هذا المنع واعتبروه تقييدا لحركة تنقل الافراد ولكن الجواب اتانا من سكان قرقنة في تدوينة فسّرت كل شيء بدقّة :

للّي يلوجوا علاش يتم منع عديد المواطنين من التنقل إلى جزيرة قرقنة .. لقيت أحسن إجابة من صديقة الصفحة .. والي تقول فيها:
أنا كقرقنية ماعنديش حتى مشكل مع حتى جنسية وحتى صفة الناس الكل في بلادها ومن حقها تجي ومن حقها تمشي وين تحب بدون اي موانع وشروط …لكن هيا نعطيكم لمحة على ابناء الجزيرة كيفاش ولاو يعيشوا والخطر اللي داير بيهم وهو الحرقة..
وصلوا تهجموا على ديار العباد بصغارهم ونساهم بالصواطر والسكاكن باش يخبيوهم بالسيف هاربين من الشرطة ..خلعوا ديار عباد باش يسكنوا فيها حتى يصير وقت حرقتهم…
سرقوا البابر (جمع بابور) متاع عائلات باش يحرقوا بيهم وهو مصدر الرزق الوحيد لمغلب متساكني الجزيرة….
يعني المنع اللي صار موش من عدم هو مايجيش نمعوا مواطنين من التجوال في أي منطقة من الجمهورية لكن وجب أخذ الإحطياطات الازمة لأمن سكان الجزيرة…