محلاها هالبدعة….اما ما ريتوش sapin de noel قدّاش غالية ؟

اليوم البخور يعجعج في داري و غناية “انزاد النبي” اللي كبرنا معاها…. و عصيدتي العربي حضرت …اللي يحبها بالزبدة و العسل و اللي كيما لينا بنتي تحبها بالقلاية….و امس كوجينتي حايسة… طيب الزقوقو… أقلي الفاكية … حضر الكريمة…. الصحافي….أغسل الماعون…و قبلها بأيامات و انا كل مرة نكمل قضية… نقي الزقزقو ….شمّس..اقلي..ارحي…ايه هاكة هو أحنا و هاكي أعيادنا و هاكي عاداتنا اللي كبرنا بيها و معاها…. اللي ما يقدرش على حاجة يبدلها بغيرها أما ما يحرمش على غيره بحملات مقاطعة و تشويهات….الـsapin متاع Noel غالية و زينتها تكلف .. أما عمرهم لاقالو بدعة و سيبوها…هوما عرفو كيفاه يحافظو على موروثهم و يسوقوه و يدخلو عليه جمالية و صبغة تجارية و أصبح عادة اجتماعية أكثر منها دينية…أحنا مازلنا نلوجو على أي سبب يقصي الفرحة من الديار….كل عام و مولدكم فرحة .. كل عام و دياركم عامرة …

حنان