نحبك يا صفاقس….جمعة  العيّادي

نحبك يا صفاقس….جمعة العيّادي

6 ديسمبر، 18:30

نحبك يا صفاقس

صحيح أنك من غير أبراج

في الأرض زبل و في الجو عجاج

 لكن زينك ما يحتاج

و تبقي فوق رؤوسنا تاج

نحبك يا صفاقس

صحيح ما فيك أعمار

ولا فيك حديقة تلعب فيها الصغار

كلك ماسي و دمار

 لكن حبك قلبي أختار

ولا من يخونك مهما صار

نحبك يا صفاقس

صحيح أنك مليانة حفر

 و تعومي كي تصب قطرة مطر

زارك الرئيس والوزير

وفرحنالو بالزكرة والبندير

فرشنالو النوار

و كي رجع نساء اللي صار

نحبك يا صفاقس

غلات الأسعار

والزوالي فيك أحتار

غابت الأمطار

وتحرقت فيك الأشجار

فوضي و تهميش و فقر

وإحترنا أين المفر

لكن، تبقي في عيوننا أحلي قمر

وعلي خاطرك يحلالنا المر

نحبك يا صفاقس

مواضيع ذات صلة