نواب معلوماتهم فايسبوكية …ذاكر ليهيذب
وقتلي نائبة شعب تناقش وزير الصحة وهي في حالة théâtralisme وتقول راهي المالاريا paludisme رجعت لتونس , يلزمها تراجع دروسها قبل المداخلة وتعرف الي المالاريا اختفت من تونس منذ 1979 , والحالات الموجودة هي مجلوبة من مسافرين تونسيين او اجانب ولا توجد اي خطورة للعدوى لان انتقال المرض يكون عن طريق بعوضة 🦟 غير موجودة في تونس .
وقتلي تصيح مع صورة المنقذ ان السيدا جابوها الاجانب ، هل تعلم طريقة انتقال فيروس 🦠 HIV ؟؟ كيفاش الاجانب باش ينقلوا الفيروس ؟؟؟ وانت بلد سياحي يستقبل 6 ملايين سائح ماهي الجنسية الي مقلقة السيدة النائبة .
وقتلي تقول ان أطباء تونس هربوا المرضى الاجانب بأفعالهم ، وان المرضى اتجهوا إلى الاردن وتركيا .يلزمك تعرف الي مداخلتك تسمعها الصحافة الاجنبية وباش تكمل تقضي على قطاع مازال يشتغل بكفاءة الاطارات الطبية والشبه طبية .ونزيد تعلمها لثقافتها ان ان تونس عندها اسعار خدمات افضل بكثير من هاته البلدان وان المريض الليبي والموريتاني يفضل تونس .
وهل تعلم السيدة النائبة انك باش تعمل سياحة طبية يلزمك تعمل العديد من المهمات المجانية في القارة وهو عمل يستغرق سنوات .
بربي حضروا دروسكم قبل ما تتكلموا






