إستخراج جواز السفر التونسي في لندن يتجاوز شهرا كاملا ومازال؟

وصلتنا رسالة من عدد من التونسيين المقيمين في بريطانيا تتسائل حول عملية استخراج جواز السفر في سفارة تونس في بريطانيا …هذه العمليّة تطلّبت اكثر من شهر دون ان يتمكنوا من الحصول على جوازاتهم :

الى سيادة رئيس الجمهورية الى السيد وزير الخارجية .. انا وغيري مواطنين في الخارج بالتحديد في لندن.. نمشو نقدموا باش نبدلوا باسبورتنا ونحن فرحانين خاطر قالوا ولى يحضر في نهارتو.. تمشي للسفارة تستنى خمس سوايع باش تقدم ارواقك تقلو يحضر اليوم يقلك لا اليوم صعيب هاك تشوف برشا ناس.. تقلو ميسالش نهار ونهارين وحتى عشرة عادي وفمة مواطنين مسيبة خدمها وجاية من خارج لندن بكدس فلوس تنقل وكله يهون على جال الباسبور الاخضر… لكن سيدي تو شهر ما فماش باسبور وتكلمهم يكلمك ما يعطيك حتى إجابة يقلك هاهو تو نرجع لك ما يرجع لكش وتعاود تطلب ما يهز حد… بالله رانا عندنا خدم ومصالح وصغار وبرامج سفر.. رجاء شوفو لنا ما السبب.. يا الاهي بيروقراطية وعذاب الادارة التونسية حتى في الخارج علاش.. هل يتطلب تجديد جواز سفر كل هذا الوقت
مانحبش نقارن ونقلكم راهو الجواز البريطاني او اي وثيقة هوية تقدم عليها أونلاين وانت في دارك وتجيك على الاكثر في اسبوع باحتساب تنقلها عبر البريد. الآمن.