توة فهمت قيمة وفضل الديكتاتورية علينا…فتحي الجموسي

كان واحد بركة يحكم فينا و احنا واكلين شاربين ما نخمموا كان في أمورنا الشخصية وكنا كلنا صحاب لا عرك لا معروك وكانت الأمور ماشية والقضية رخيصة.اليوم في عهد الديمقراطية ولينا كل واحد فينا يحكم ويقرر وهازز هموم البلاد على ظهرو و الدنيا صعبت وغلات برشة وخسرنا صحبتنا وصداقتنا والكل يتعارك مع الكل والأمور عمال تغرق وتتعكر.توة بركة عرفت أنو الديكتاتورية كانت أسهل على حياتنا و ساددة باب بلاء علينا وأنو الدكتاتور المسكين كان حامل همنا وحملنا الكل وعرفت زادة أنو الديمقراطية موش متاعنا