حتى انا نحب نفهم زادة … عبد الكريم قطاطة

اوّلا معذرة لزميلنا سي الحبيب السلامي ربي يطوّل عمرو على استعمال عبارته الشهيرة في تدويناتو _ نحب نفهم _ ثمّ وللتذكير للمرة الالف انا لم اكن يوما من انصار الرئيس قيس سعيّد ولن اكون . و بعيدا عن ايّ لون سياسي وبحبّ كبير لتونس التي هي ارقى واجمل واعظم من كل الاسماء …. مهبول ابن مهبول من يقول انّ امورنا خمسة على خمسة لاسباب متعلّقة بما قبل 25 جويلية 1921 ولما بعده ايضا
.. معناها منيش زقفوني ومنيش نهضاوي ومنيش متحزب اصلا انا مواطن تونسي اتابع كلّ ما يحدث في بلدي العزيزة جدا على قلبي … وتبقى تدويناتي مجرّد خواطر قد اخطئ فيها وقد اصيب … تدوينة اليوم تهم مسيرة الغد 17 اكتوبر 2026 … عندما علمت بمن سيكون حاضرا فيها الحقيقة ما فهمت شيء .. مخلّطة حمص وزبيب بل وتصل ربما الى توصيفة الاخوة الاعداء _ واقعد من غدوة لتوّة اقنعني بانّو ثمّة تحالفات استراتيجية طبيعية تقع احيانا بين الفرقاء ولابدّ ان تحدث … صدقا يلزمني نكون امّا جاهل بعلوم السياسة .. او دغفة ومدكّ ..او واحد من القطيع الذي يسهل استبلاهه .. هاكة العام روابط حماية الثورة التابعة ضمنيا للنهضة هدّت على اتحاد الشغل وتكسير وحرب على الاتحاد … اليوم نلقاوهم الزوز في نفس المسيرة ؟؟؟ هذا بالنسبة لي يعني امّا انّ قيس سعيّد اصبح جبارا ويلزم مثل هذه التحالفات تصير للقضاء عليه ..وهنا المنطق يقول ممكن .. اما اللي يهمني انا بعد القضاء على قيس سعيّد زعمة الاتحاد والنهضة وانصارها ماشيين يولّيو احباب ؟ صدقا احبّ ان افهم رغم انّو قناعتي الداخلية تقللي .. نفاق … نفاق … نفاق .. لانّ القاز والنار ابدا ان يكونا صديقين .. حليفين … لا قبل 17 اكتوبر ولا اثناءه ولا بعده .. زعمة موش عشنا تجربة حلف 18 اكتوبر سنة 2005 والذي جمع بين يساريين واسلاميين وليبراليين ؟ ايه وبعد 14 جانفي موش تفرقع هاكة الحلف ؟ زعمة نفس الجماعة قالوا حلف 18 اكتوبر متاع زمان وجهو موش مبروك علينا هات نقدّموه بنهار ؟ عاد في هذه الحالة حقهم استشارو محسن العيفة صاحب البللورة ربما اقترح عليهم 17 جانفي 2034 . …موش يقولوا لا خاب من استشار … 16 اكتوبر 2026 Voir moins
Om-Ghassen Baya